Беларусь мая - казка дзіўная
Там, дзе сосны гамоняць з аблокамі,
Дзе ў палях рамонкі цвітуць,
А ў пушчах зубры, нібы волаты,
У гаях салаўі пяюць.
Беларусь мая - казка дзіўная,
Сінявокая старана.
Беларусь мая ты адзіная,
Нібы маці ў сына – адна!
Выйду ў поле за ваколіцу,
Дзе хвалюецца збажына.
Песняй сэрца маё напоўніцца,
Тут спявае аб шчасці зямля.
Тая песня ляціць над прасторамі
Чуюць пожні яе і лясы.
І ў далёкіх краінах за морамі
Беларусаў чуваць галасы.
Беларусь мая- казка дзіўная,
Ненаглядная старана.
Беларусь мая ты адзіная,
Нібы маці ў сына – адна!
сакавік 2019г
Ларыса Вырко
225510 г.Столін Брэсцкая вобл.
вул.Дзяржынскага д.112а, кв.12.
